२६ साउनदेखि राजधानीमा ‘नाइमा नेपाल मोबिलिटी एक्स्पो’, ४९ ब्राण्डका स्टल रहने

काठमाडौँ । नेपाल अटोमोबाइल इम्पोर्टर्स एण्ड म्यानुफ्याक्चरर्स एसोसिएसन (नाइमा) ले आगामी ‘नाइमा नेपाल मोबिलिटी एक्स्पो २०२६’ का लागि स्टल बाँडफाँड प्रक्रिया सम्पन्न गरेको छ । यो एक्स्पो आगामी २६ साउनदेखि पाँच दिनसम्म काठमाडौंको भृकुटीमण्डपमा सञ्चालन हुनेछ ।

प्रदर्शनीका लागि पूर्वनिर्धारित तथा पारदर्शी चिठ्ठा प्रक्रियामार्फत कुल ४९ वटा स्टल बाँडफाँड गरिएको नाइमाले जनाएको छ । जसमा चार पांग्रे सवारी साधनका लागि २६ वटा र दुई पांग्रे तथा व्यावसायिक सवारी साधनका लागि २३ वटा स्टलहरू प्रदान गरिएको आयोजकले जनाएको छ ।