मार्टिनेजको २ गोलमा इन्टरको लगातार तेस्रो जित

१८ भदौ, काठमाडौं । लाउटारो मार्टिनजको दुई गोल मद्दतमा इन्टर मिलानने सिरी ए मा फियोरेन्टिनालाई ४-० ले पराजित गर्दै लगातार तेस्रो जित हात पारेको छ ।

घरेलु मैदान सान सिरोमा भएको खेलमा मार्टिनजले ५३औं र ७३औं मिनेटमा गोल गरे । त्यसअघि मार्कुस थुरामले २३औं मिनेटमा गोल गरी इन्टरलाई अग्रता दिलाएका थिए । अर्को गोल हाकन चाल्हानोग्लुले ५८औ मिनेटमा पेनाल्टीमा गरे ।