कन्चनपुर प्रहरीले एक वर्षमा बरामद गर्‍यो साढे १३ किलो लागुऔषध

६ जेठ, काठमाडौं । जिल्ला प्रहरी कार्यालय कञ्चनपुरले एक वर्षको अवधिमा झण्डै साढे १३ किलो लागुऔषध बरामद गरेको छ ।

कञ्चनपुर प्रहरीले खैरो हिरोइन, चरेश र गाँजा गरी उक्त परिणाममा लागुऔषध बरामद गरेको हो ।

प्रहरीले पत्रकार सम्मेलन गरेर सार्वजनिक गरेको वार्षिक प्रगति विवरणअनुसार ५९०.८७५ ग्राम खैरो हिरोइन, ८ किलो २२ ग्राम चरेश र ५ किलो गाँजा बरामद भएको छ ।

यस्तै ५८७ थान एम्पुल र ४८ ट्याब्लेट औषधिजन्य लागुऔषध बरामद गरिएको प्रहरीको वार्षिक प्रतिवेदनमा उल्लेख छ ।

प्रहरीका अनुसार लागुऔषध ओसारपसारमा संलग्न र प्रयोगकर्ताको आरोपमा २११ जना पक्राउ परेका छन् । जसमध्ये १८ महिला र १९३ पुरूष रहेका छन् ।