तीनपिप्ले–गल्छी सडक कालोपत्रेको माग गर्दै माइतीघरमा स्थानीयको धर्ना

काठमाडौँ । नुवाकोटको ककनी गाउँपालिका र बेलकोटगढी नगरपालिकाका बासिन्दाहरूले वर्षौँदेखि अलपत्र अवस्थामा रहेको तीनपिप्ले–गल्छी सडकको स्तरोन्नति तथा कालोपत्रेको माग गर्दै काठमाडौँको माइतीघर मण्डलामा शान्तिपूर्ण धर्ना दिएका छन्।

सडकको दयनीय अवस्थाका कारण जनजीवन कष्टकर बनेको भन्दै स्थानीय कृषक, व्यापारी, विद्यार्थी र युवाहरूले बुधबार दबाबमूलक कार्यक्रम आयोजना गरेका हुन्।