विशेष महाधिवेशनमा सहभागी नभएकालाई महेन्द्र यादवको आग्रह : गगनलाई सभापति मानेर जाऔँ

काठमाडौँ । नेपाली कांग्रेसका सहमहामन्त्री तथा केन्द्रीय सदस्य महेन्द्र यादवले सभापति गगन थापालाई मानेर अगाडि बढ्न विशेष महाधिवेशनमा सहभागी नभएका नेताहरूलाई आग्रह गरेका छन् । मधेस प्रदेशमा बुधवार भएको कार्यक्रममा यादवले पार्टीभित्र यो वा त्यो भेलामा नलगारेर एक ढिक्का हुन आग्रह गरेका हुन् ।

‘पार्टीभित्र अब यो भेला त्यो भेला भनेर अनेक कुरामा लागेर हुन्न । विशेष महाधिवेशनमा सहभागी नभएका हामी अरू जो थियौँ, ती सबैले गगन थापालाई सभापति मानेर अघि बढौँ’, यादवले भने ।