पर्यटकीय क्षेत्रको प्रवर्द्धन गर्दै बरेङ

बागलुङ । बागलुङको बरेङ गाउँपालिकाले पर्यटकीय गन्तव्यको प्रचारप्रसार तथा प्रवर्द्धनको काम थालेको छ । पर्यटकीय क्षेत्रको प्रवर्द्धनका लागि गाउँपालिकाले पूर्वाधार निर्माणलाई जोड दिएको हो ।

पर्यटक आकर्षण गर्न पुरानासँगै नयाँ गन्तव्यको खोजी र प्रचारप्रसारमा लागेको गाउँपालिकाका अध्यक्ष कृष्णप्रसाद शर्माले जानकारी दिए । अध्यक्ष शर्माले अघिल्ला वर्षमा धेरै गन्तव्यमा पूर्वाधार निर्माण गरेर आगन्तुकलाई भित्र्याउन थालेको बताए । यसपटक वडा नं ४ मा रहेका छहरेखोला झरना र भैंसेखोला झरनाको विकासमा जुटेको उनको भनाइ छ ।