सुदूरपश्चिम सरकारका साढे तीन वर्ष : ४ मुख्यमन्त्री, ३३ मन्त्री

धनगढी । सुदूरपश्चिम प्रदेशसभामा कुनै पनि दलको स्पष्ट बहुमत नहुँदा सरकार गठन र पुनर्गठनको क्रम निरन्तर चलिरहेको छ । प्रदेश सरकारको दोस्रो कार्यकालको साढे तीन वर्षको अवधिमा चार जना मुख्यमन्त्री फेरिएका छन् भने ३३ जना सांसद मन्त्री वा राज्यमन्त्री बनिसकेका छन् ।

५३ सदस्यीय प्रदेशसभामा हाल ५१ सदस्यीय रहेको छ । डडेलधुराबाट निर्वाचित स्वतन्त्र सांसद डा. ताराप्रसाद जोशी प्रतिनिधिसभा सदस्यमा निर्वाचित भएपछि प्रदेशसभा सदस्य पदबाट राजीनामा दिएका थिए । यस्तै, तत्कालीन नेकपा (एकीकृत समाजवादी) हाल नेपाली कम्युनिस्ट पार्टीका नेता तथा पूर्वमुख्यमन्त्री दीर्घ सोडारी निलम्बनमा छन् ।