कोहली र पडिक्कलको अर्धशतकमा सनराइजर्समाथि आरसीबीको सानदार जित

काठमाडौं । इन्डियन प्रिमियर लिग (आईपीएल) अन्तर्गत शनिबार भएको पहिलो खेलमा रोयल च्यालेन्जर्स बैंगलोर (आरसीबी) ले सनराइजर्स हैदराबादलाई ६ विकेटले पराजित गरेको छ । विराट कोहली र देवदत्त पडिक्कलको उत्कृष्ट अर्धशतकीय पारीको मद्दतले आरसीबीले २०२ रनको विशाल लक्ष्य २६ बल बाँकी छँदै सहजै पूरा गर्‍यो ।

पहिले ब्याटिङ गरेको सनराइजर्स हैदराबादले निर्धारित २० ओभरमा ९ विकेट गुमाएर २०१ रन बनाएको थियो । हैदराबादका लागि इशान किशनले विस्फोटक ब्याटिङ गर्दै सर्वाधिक ८० रन बनाए भने अनिकेत वर्माले ४३ तथा हेनरिक क्लासेनले ३१ रनको योगदान दिए । आरसीबीका लागि बलिङतर्फ जेकब डफी र रोमारियो शेफर्डले समान ३–३ विकेट लिए ।