नेता र उच्चपदस्थको सम्पत्ति छानबिन गरिने

काठमाडौं । सरकारले राजनीतिक पदाधिकारी तथा कर्मचारीहरूको सम्पत्ति छानबिन गर्न अधिकार सम्पन्न छानबिन समिति गठन गर्ने निर्णय गरेको छ। प्रधानमन्त्री कार्यालयले सार्वजनिक गरेको निर्णयअनुसार १५ दिनभित्र यस्तो समिति गठन गरिनेछ।

सरकारले चरणबद्ध रूपमा छानबिन गर्ने योजना अघि सारेको छ। पहिलो चरणमा २०६२–६३ सालपछि आर्जित सम्पत्तिको छानबिन गरिनेछ भने दोस्रो चरणमा २०४८ सालपछि आर्जित सम्पत्तिको समेत अध्ययन गरिने उल्लेख गरिएको छ।