फर्पिङका गोठाला दाइका आफ्नै व्यथा (तस्बिरहरू)

काठमाडौँ । फर्पिङका काँस फुलेका र हरिया डाँडाकाँडा– पाखाहरूमा हरेक दिन बाख्राको बथानसँगै दिन बिताउँछन् खत्री दाइ । विगत १० वर्षदेखि बाख्राको गोठालो लागेका उनको हरेक दिन यही बथानसँग सुरु हुन्छ । दशकअघि ठुलो आशा बोकेर सुरु गरेको व्यावसायिक बाख्रापालन अहिले उनको लागि सङ्घर्षको पर्याय बनेको छ। पहिला करिब एक सयवटा बाख्रा पाल्ने गरेका उनी अहिले भने करिब २ दर्जन बाख्रा पालिरहेका छन् ।

“अहिले भने लागत धान्नै मुस्किल भएको छ । यो पालेर मलाई फाइदा भनेको बाख्राको मल मात्रै भयो, अरू केही छैन। सबै आफ्नै लगानी गरेर गरेँ। अहिले त धेरै गाह्रो भयो” उनी भन्छन् ।