मुख्य सामग्रीमा जानुहोस्

समाचार

अर्थ

परीक्षण गरिएकामध्ये झन्डै ५० प्रतिशतमा संक्रमण

rajdhanidaily.com · Tue Jan 18 23:12:02 GMT 2022

काठमाडौं । नेपालमा कोरोना संक्रमण भित्रिएयता एकै दिन १० हजार बढी संक्रमित थपिएका छन् । २२ हजार ८ सय २८ जनाको नमुना परीक्षण गर्दा मंगलबार ४४.९ प्रतिशत अर्थात् १० हजार २ सय ५८ जनामा कोरोना संक्रमण देखिएको हो । सोमबार १७ हजार ४ सय ६५ जनाको नमुना परीक्षण गर्दा ३८.५५ प्रतिशत अर्थात् ५ हजार ७ सय ३४ जनामा कोरोना संक्रमण देखिएको थियो ।

यसअघि गत २८ वैशाख २०७८ मा ९ हजार ४ सय ५३ जनामा कोरोना संक्रमण भएको थियो । मंगलबार थपिएको नयाँ संक्रमितसँगै देशभर सक्रिय संक्रमितको संख्या ३९ हजार ४४ पुगेको छ । हाल देशभर गरेर २८ जना संक्रमित भेन्टिलेटरमा रहेका छन् । भेन्टिलेटरमा रहेका मध्ये १८ जना बाग्मती प्रदेशका छन् भने प्रदेश १ का आठ जना र सुदूरपश्चिम प्रदेशका दुई जना छन् । त्यस्तै, देशभर १ सय ५१ जना संक्रमित आईसीयूमा छन् । १ हजार २ सय १८ जना संक्रमित संस्थागत आइसोलेसनमा रहेका मन्त्रालयले जानकारी दिएको छ ।

स्रोतमा पूरा पढ्नुहोस् (rajdhanidaily.com)