‘एआईमा नेपाल–भारत सहकार्य आवश्यक’

काठमाडौं । नेपाल र भारतबिच कृत्रिम बुद्धिमता (एआई) र यसमा आधारित उद्यममा आपसी सहकार्य विस्तार गर्नुपर्ने औँल्याइएको छ ।

नेपाल–भारत उद्योग वाणिज्य सङ्घ (निक्की) ले नेपालस्थित भारतीय दूतावाससँगको सहकार्यमा आयोजना गरेको दुवै देशका व्यवसाय, सरकार, प्राज्ञिक र प्रविधि क्षेत्रका नेतृत्वकर्ताबिचको अन्तक्रियामा एआई जस्ता उदीयमान प्रविधिमा नेपाल–भारतबिच साझेदारीको ठुलो सम्भावना रहेको र त्यसलाई उपलब्धिमा रूपान्तरण गर्न सके आर्थिक, प्राविधिक तथा पारस्परिक सम्बन्धका हिसाबले लाभदायी हुने औँल्याइएको हो ।