नेपालको स्वास्थ्य प्रणाली भित्रका प्रश्नहरु?

नेपालको स्वास्थ्य प्रणालीमा भएको सैदान्तिक र व्यवहारिक पक्षलाई अध्ययन गरिरहँदा राष्ट्रिय तथा अन्तर्राष्ट्रिय प्रतिबद्दताहरु जस्तासुकै भएपनी मुख्य उद्देश्य भनेको विश्वव्यापी स्वास्थ्य कभरेज जसको अर्थ देशका प्रत्येक नागरिक गरिबीको कारण स्वास्थ्य उपचार नपाएर अकालमा मर्नु नपरोस् र स्वास्थ्य उपचार गर्दागर्दै लागेको खर्चको कारण गरिबीको रेखामुनी धकेलिनु पनि नपरोस् भन्ने हो।

यस सन्दर्भमा थाइल्याण्ड, स्विजरल्याण्ड, जर्मनी, स्वीडेन, जापान, सिंगापुर लगायतका विश्वव्यापी स्वास्थ्य कभरेजमा सफल भएका मुलुकहरुको कुरा त मैले गर्न चाहिन तर नजिकैको र केहिवर्ष अघि बराबर दाँजोमा रहेको मित्रराष्ट्र भारतले विश्वव्यापी स्वास्थ्य कभरेज पुरा गर्न राष्ट्रिय रणनीति तथा नीतिहरु बनाएर सन २०१९ साल यानेकि विगत ४ वर्षदेखि धेरैजसो स्वास्थ्य सेवाहरु इलेक्ट्रोनिक माध्यमबाट जस्तै टेलिमेडिसिन्, आर्टिफिसियल इन्टेलिजेन्स, इएमआर, इएचआर लगायतका प्रविधि प्रयोग गरेर सुरु, विस्तार तथा निरन्तरता गरिरहँदा साथै उसले सबै नागरिकको स्वास्थ्यको पहुँचको सुनिश्चितता मात्र होईन सन २०३५ सम्ममा देशको आर्थिक बृद्धिदर ५० प्रतिशतले बढाउने लक्ष्यसमेत राखेर अगाडि बढिरहेको छ। जुन विश्वका विकशित र धनी भनिएका राष्ट्रहरुले पनि आँट गर्न नसकेको देखिन्छ।