मोबाइलमा आएको एउटा 'लिंक'ले रित्यायो सुजनको २५ लाख: दुई जनाविरुद्ध ठगी मुद्दा

काठमाडौँ । मोबाइलमा प्राप्त एक शङ्कास्पद लिंकमा क्लिक गर्दा काठमाडौँका सुजन खनालले २५ लाख ४४ हजार १०० रुपैयाँ गुमाएका छन् । सो घटनामा संलग्न रहेको आरोपमा नेपाल प्रहरीको साइबर ब्युरोले दुई जनाविरुद्ध अदालतमा अभियोग पत्र दायर गरेको छ ।

प्रहरी अनुसन्धानका आधारमा जिल्ला सरकारी वकिल कार्यालय काठमाडौँले सप्तरीका २० वर्षीय आकाशकुमार पासवान र सिरहाका २३ वर्षीय चन्देश्वर महतोलाई प्रतिवादी बनाएर मुद्दा दायर गरेको छ । उनीहरू हाल फरार रहेका छन् । उनीहरूविरुद्ध मुलुकी अपराध संहिता, २०७४ को ठगी कसुरअन्तर्गत मुद्दा चलाइएको छ ।