भरुवा बन्दुक पड्किँदा एकको मृत्यु

धनकुटा । धनकुटाको महालक्ष्मी नगरपालिका–९ खाल्डे कटहरेमा भरुवा बन्दुक पड्किँदा ४७ वर्षीय रामकृष्ण थापाको शुक्रबार मृत्यु भएको छ । बन्दुक सफा गर्ने क्रममा पड्किँदा घटना भएको प्रहरीले जनाएको छ ।

सफा गर्ने क्रममा बारुद लोड भएको बन्दुकको नाल उनले आगोमा तताएका थिए। त्यसपछि मुखले फुकेर सफा गर्ने प्रयास गर्दा अचानक पड्किएको थियो । गम्भीर घाइते थापालाई उपचारका लागि जिल्ला अस्पताल धनकुटा लगिएकामा उपचारकै क्रममा शुक्रबार राति चिकित्सकले उनलाई मृत घोषणा गरेका थिए ।