अनि नेपालमै रेल चढ्न पाइयो
annapurnapost.com · Tue Apr 05 00:32:00 GMT 2022
रेल नदेख्दै, रेल नचढ्दै नेपालीले रेलका कथा सुने। तिनै कथा सुनेर रेलको सपना देखे। नेपालमा रेल नआउँदै रेलका गीत गाए। रेल एक सपना जस्तो भयो। संसार आज बुलेट र सुपर सोनिक रेलको युगमा प्रवेश गरिसकेको छ। संसारलाई अभौतिक रूपमा गाउँ बनाएको इन्टरनेटले हो। त्यसअघि चाहिँ जहाजले संसारका कुनाकन्दरालाई नजिक बनाइदियो। त्योभन्दा पनि अघि भौतिक रूपमै संसारलाई नजिक्याउने साधन रेलै हो। तसर्थ एक प्रकारको तिलस्मी साधनका रूपमा रेल एउटा कथा बन्यो नेपाली समाजका लागि।
यातायातका साधनको तीव्रतर विकासले आज गाउँठाउँ र सहरहरूको दूरी किलोमिटर वा माइलमा होइन समयमा नापिन्छ। अर्थात् यति घण्टाको रेल यात्रा, यति समयको बसयात्रा आदिआदि। अझै पनि सपनाजस्तै भएको रेलको यात्रा नेपालमा फेरि वास्तविकतामा रूपान्तरण भएको छ। शनिबार जसै नेपालको जनकपुर र भारतको जयनगर रेलबाट जोडिए त्यो सपना साकार भएको छ। त्यसो त १९९४ मै नेपालको अमलेखगन्जसँगै रेल आउँथ्यो भारतबाट। काठका गोलिया बोकेर फर्किन्थ्यो। २०१६ सालदेखि त्यो बन्द भयो।
स्रोतमा पूरा पढ्नुहोस् (annapurnapost.com)