बार्यनको जीतमा केनको कीर्तिमान

म्युनिख । ह्यारी केनको दुई गोलको मद्दतले बायर्न म्युनिखले चौथो स्थानमा रहेको स्टुटगार्डलाई ३–० गोलले पराजित गर्न सफल भएको छ । योसँगै केन बुन्डेस लिगामा सबैभन्दा चाँडो २० गोल गर्ने खेलाडी बनेका छन् ।

केनले दोस्रो मिनेटमा नै लिरोय सानेको पासमा गोल गर्दै टोलीलाई अग्रता दिलाएका थिए । थोमस मुलर र किम मिन जेको गोल अफसाइड करार गर्दै रद्द गरिएपछि केनले दोस्रो हाफको ५५ औँ मिनेटमा दोस्रो गोल गरे ।