प्रवासी नेपाली–रवि भेट, देशमा लगानी गर्न आग्रह

काठमाडौं । रास्वपा सभापति रवि लामिछानेले नयाँ दिल्लीमा प्रवासी नेपालीसँग भेट गर्दै नेपाल–भारत सम्बन्ध, लगानी र रोजगारीका अवसरबारे छलफल गरेका छन् । प्रवासी नेपाली सम्पर्क मञ्च भारतको आयोजनामा भएको कार्यक्रममा उनले आफ्नो भ्रमण राजनीतिक नभई देशको समृद्धि र विकासको ढोका खोल्ने उद्देश्यले भएको बताएका छन् ।

राष्ट्रिय स्वतन्त्र पार्टी (रास्वपा) का सभापति रवि लामिछानेले बिहिवार भारतको नयाँ दिल्लीमा प्रवासी नेपाली समुदायसँग भेट गर्दै विभिन्न समसामयिक विषयमा छलफल गरेका छन् । उक्त भेटमा उनले आफू राजनीतिक उद्देश्यले मात्रै भारत नआएको स्पष्ट पार्दै आफ्नो भ्रमण देशको समृद्धिको ढोका खोल्ने प्रयास भएको बताएका छन् ।