विद्यालयबाट घर फर्किंदै गरेकी बालिकाको ट्याक्टरको ठक्करबाट मृत्यु

सर्लाही । सर्लाहीमा विद्यालयबाट घर फर्किंदै गरेकी ५ वर्षीया बालिकाको ट्याक्टरको ठक्करबाट मृत्यु भएको छ।

जिल्लाको बलरा नगरपालिका-६ मिर्जापुरस्थित भित्री सडक खण्डमा बिहीबार दिउँसो करिब १२ बजे गडहियाबाट मिर्जापुरतर्फ आउँदै गरेको ना.४ त.८८३४ नम्बरको सिमेन्ट र छड लोड गरिएको ट्याक्टरले स्थानीय अर्जुन साहकी छोरी अंकिता कुमारी साहलाई ठक्कर दिएको प्रहरीले जनाएको छ।