नेपालगञ्जमा भित्तेचित्र अभियान: शहरको सौन्दर्य र सांस्कृतिक पहिचानमा नयाँ रङ

बाँके । नेपालगञ्ज उपमहानगरपालिकाले शहरका सरकारी तथा सार्वजनिकस्थलको सुन्दरता बढाउन शुरू गरेको भित्तेचित्र अभियानले शहरको रूप बदलिँदै गएको छ ।

धुलो, मैलो र जथाभावी फोहरको चपेटामा परेका कङ्क्रिटका फुस्रा पर्खालमा भित्तेचित्रले शहरको सौन्दर्यमा एउटा नयाँ र उमङ्गमय रङ थपिदिएको छ । उपमहानगरपालिकाको यस पहललाई ‘क्रियटिभ आर्ट’ समूहका स्थानीय कलाकारहरूले आफ्नो सिर्जना र पसिनाले मूर्तरूप दिइरहेका छन् ।