नेयमार मैदान फर्किन चार महिना लाग्ने

पेरिस सेन्ट जर्मेनका स्टार खेलाडी नेयमारले खुट्टाको चोटका कारण बाँकी सिजन गुमाउने भएका छन्। ब्राजिलका फरवार्ड नेयमार गत १९ फेब्रुअरीमा लिलमाथि ४–३ को जित निकाल्ने क्रममा घाइते भएका थिए।

क्लबका अनुसार उनको दाहिने खुट्टाको जोर्नीमा पछिल्ला वर्षमा समस्याहरू देखिएका कारण त्यसलाई दोहोरिन नदिन अपरेसनको आवश्यकता देखिएको छ। उनी मैदानमा फर्कन चार महिना लाग्ने पनि क्लबले जानकारी दिएको छ।