३७ थान राहदानीसहित अजित पक्राउ

काठमाडौँ। प्रहरीले त्रिभुवन अन्तर्राष्ट्रिय विमानस्थलबाट ३७ थान राहदानीसहित एक जनालाई नियन्त्रण लिएको छ।

धनगढीमाई नगरपालिका १३‚ सिरहा घर भएका राहदानी नम्बर १२१३४८५५ वाहक ३८ वर्षीय अजित श्रेष्ठलाई नियन्त्रणमा लिइएको त्रिभुवन अन्तर्राष्ट्रिय विमानस्थल सुरक्षा कार्यालयका प्रवक्ता एवं प्रहरी उपरीक्षक राजकुमार सिलवालले जानकारी दिए। प्रहरीले श्रेष्ठलाई आज (बुधबार) नै सार्वजनिक गरेको हो।