एनएसजेएफको नवनिर्वाचित कार्यसमितिलाई राखेपको शुभकामना

काठमाडौं । राष्ट्रिय खेलकुद परिषद (राखेप)ले मंगलबार (जेठ १३) नेपाल खेलकुद पत्रकार मञ्च (एनएसजेएफ)को नवनिर्वाचित पदाधिकारी र सदस्यलाई बधाई एवं शुभकामना दिएको छ । राखेपका सदस्यसचिव टंकलाल घिसिङले आफ्नो कार्यकक्षमा साक्षात्कारसँगै नवनिर्वाचित टिमको कार्यकाल सफलताको कामना गरे ।

गएको वैशाखमा एनएसजेएफको २०औँ साधारणसभा एवं निर्वाचनबाट निरञ्जन अधिकारीको नेतृत्वमा ११ सदस्यीय कार्यसमिति चयन भएको थियो । कार्यसमितिले प्रजित शाक्य, नवीन लुइँटेल र अनन्त वाग्लेलाई सदस्यमा मनोनयन गरेको थियो । शाक्यलाई एनएसजेएफ प्रवक्ताको जिम्मेवारी पनि दिइएको छ ।