हाङचउ एसियाली खेलकुद : पदक नजिक पुगेर विप्लवलाल पराजित

हाङचउ — नेपाली कराते खेलाडी विप्लवलाल श्रेष्ठ शुक्रबार हाङचउ एसियाली खेलकुदमा कांस्य पदक जित्नबाट चुकेका छन् ।

लिनपिङ स्पोर्ट्स सेन्टर जिम्न्याजियममा भएको पुरुष ८४ केजीमाथि तौलको कांस्य पदक भिडन्तमा विप्लव साउदी अरबियाका तारेग अली एम हामेदीसँग अंकका आधारमा ९–१ ले पराजित भए । त्यसअघि १३ औं दक्षिण एसियाली खेलकुदका स्वर्णधारी विप्लवले ताजकिस्तानका उमेद साफारोभलाई १२–४ ले हराउँदै क्वाटरफाइनल स्थान सुरक्षित गरेका थिए ।