छात्रवृत्तिसहित त्रिविमा डेटा साइन्स पढ्ने अवसर, भर्नाका लागि ७ साउनसम्म आवेदन दिन सकिने

काठमाडौं । त्रिभुवन विश्वविद्याल, विज्ञान तथा प्रविधि अध्ययन संस्थान अन्तर्गतको गणित विज्ञान स्कुलले स्नातक तहको ‘डेटा साइन्स’ (Bachelor in Data Science) कार्यक्रममा विद्यार्थी भर्ना खुला गरेको छ । एक सूचना जारी गर्दै स्कुलले नयाँ शैक्षिक सत्रमा अध्ययन गर्न इच्छुक विद्यार्थीहरूबाट आवेदन माग गरेको हो ।

स्कुलले कुल ४० वटा सिटका लागि भर्ना आह्वान गरेको छ, जसमा ३२ जना खुला प्रतिस्पर्धाबाट र ८ जना समावेशी कोटाका आधारमा छनोट हुनेछन् । छात्रवृत्तिको हकमा, हरेक सेमेस्टरमा एक छात्र र एक छात्रालाई जेहेन्दार छात्रवृत्ति प्रदान गरिनुका साथै कुल विद्यार्थी संख्याको १० प्रतिशतलाई निःशुल्क छात्रवृत्तिको समेत व्यवस्था गरिएको स्कुलले जनाएको छ ।