हेलो सरकारमा जनगुनासाको ओइरो: १०० दिनमा ६००% ले वृद्धि, ६० प्रतिशत फर्स्यौट भएको दाबी

काठमाडौं । सरकारले आफ्नो १०० दिनको कार्यकाल पूरा गरेको अवसरमा जनगुनासो सम्बोधनलाई उच्च प्राथमिकतामा राखेको दाबी गरेको छ । प्रधानमन्त्री कार्यालयले सार्वजनिक गरेको ‘१०० दिनको कार्यप्रगति’ रिपोर्टअनुसार पछिल्लो तीन महिनामा ‘हेलो सरकार’ संयन्त्रमा प्राप्त हुने गुनासोको संख्यामा ६०० प्रतिशतले वृद्धि भएको छ ।

सरकारले गुनासोको यो बढ्दो तथ्याङ्कलाई जनताको निराशा नभई सरकारप्रतिको बढ्दो विश्वास र भरोसाका रूपमा व्याख्या गरेको छ । “पछिल्लो १०० दिनमा हेलो सरकारमार्फत प्राप्त भएको गुनासो ६ सय प्रतिशतले वृद्धि हुनुले यो सरकारप्रतिको विश्वास र भरोसा भएको पुष्टि गर्दछ,” रिपोर्टमा उल्लेख छ ।