वर्तमान सरकारको कार्यशैली अधिनायकवादतर्फ उन्मुख: एमाले सांसद बराल [भिडियो]

काठमाडौँ । नेकपा (एमाले) का सांसद गुरु बरालले वर्तमान सरकारको कार्यशैली अधिनायकवादतर्फ उन्मुख भएको गम्भीर आरोप लगाएका छन्। सङ्घीय संसद् भवनबाहिर सञ्चारकर्मीहरूसँग कुरा गर्दै सांसद बरालले सरकारका पछिल्ला गतिविधिहरूले लोकतन्त्रको हुर्मत लिने काम गरेको टिप्पणी गरे।

सांसद बरालले सर्वोच्च अदालतमा प्रधानन्यायाधीश नियुक्तिको शृङ्खला र पदासीनका गतिविधिहरूले देशमा अधिनायकवाद हाबी हुन खोजेको सङ्केत गरेको दाबी गरे। संसारका धेरै राष्ट्र प्रमुख र सरकार प्रमुखहरूले यस्तै गतिविधिमार्फत लोकतन्त्रमाथि अधिनायकवाद हाबी गराउने गरेको भन्दै उनले वर्तमान सरकारको शैली पनि त्यस्तै रहेको बताए।