चेल्सी फेरि पराजित, स्पर्सको रोमाञ्चक जीत

चेल्सी न्युक्यासल युनाइटेडसँग पराजित भएको छ । शनिबार भएको प्रिमियर लिग अन्तरगतको खेलमा न्युक्यासलले चेल्सीलाई १–० गोलले हराएको हो ।

न्युक्यासलको जीतमा जो विलकले ६७ औँ मिनेटमा गरेको एक मात्र गोल निर्णायक बन्यो । जीतसँगै न्युक्यासल लिगको तेस्रो स्थानमा कायम रहेको छ । टोलीको १५ खेलपछि ३० अङ्क रहेको छ । चेल्सी भने सबै प्रतियोगितामा लगातार तेस्रो हार बेहोर्दै लिगको आठौँ स्थानमा खस्किएको छ ।