सफा गर्ने क्रममा बन्दुक पड्किँदा एकको मृत्यु

धनकुटाको महालक्ष्मी नगरपालिका-९ खाल्डे कटहरेमा सफा गर्ने क्रममा भरुवा बन्दुक पड्किँदा एक जनाको मृत्यु भएको छ।

स्थानीय ४७ वर्षीय रामकृष्ण थापाको भरुवा बन्दुक पड्किँदा मृत्यु भएको प्रहरीले जनाएको छ। प्रहरीका अनुसार शुक्रबार घरमा राखिएको एकनाले भरुवा बन्दुक सफा गर्ने क्रममा अचानक पड्किएपछि उनी गम्भीर घाइते भएका थिए। थापाले बन्दुकको नाल सफा गर्न बारुद लोड भएको अवस्थामा नाललाई आगोमा तताएका थिए। त्यसपछि मुखले फुकेर नाल सफा गर्ने प्रयास गर्दा बन्दुक अचानक पड्कियो र बन्दुकबाट निस्किएको बारुद उनको मुखमा लागेर उनी गम्भीर घाइते भएको प्रहरीले जनाएको छ।