आलोचनाको डरले भागबण्डा मिलाउन गुपचुप ढंगले यसरी फुटाइयो प्रदेश १ मा मन्त्रालय

प्रदेश १ मा अहिले मुख्यमन्त्री कार्यालयसहित सात वटा मन्त्रालय छन् । प्रदेश १ मन्त्रिपरिषद् बैठकले भागबण्डा मिलाउन मन्त्रालय फुटाएर १२ पुर्‍याउने निर्णय गरेको छ । तर आलोचनाको डरले यो निर्णय सरकारले अहिलेसम्म गुपचुप राखेको छ ।

मन्त्रालय फुटाउने र मन्त्रीहरु थप्ने विषयमा प्रमुख प्रतिपक्ष दलसहित नागरिक तहबाटै सरकारको आलोचना हुन थालेपछि प्रदेश सरकार गुपचुप रुपमा नै सरकारलाई पूर्णता दिने तयारीमा देखिएको छ ।