बौद्धमा गाईजात्रा तथा रोपाइँ जात्रा मनाइने

काठमाडौं । काठमाडौं महानगरपालिका–६ र बौद्धनाथ क्षेत्र विकास समितिको संयुक्त आयोजनामा गाईजात्रा तथा रोपाइँ जात्रा (घोनाई) २०८० मनाइने भएको छ । यसका लागि बौद्ध तामाङ कल्याण गुठी मुख्य संयोजक रहेको २१ सदस्यीय मूल समारोह समिति पनि गठन गरिएको छ ।

शुक्रबार आयोजना गरिने सो जात्रामा १० वटा विविध विधा छुट्ट्याइएको छ, जसमा जो कोही पनि प्रतिस्पर्धीका रूपमा सहभागी हुन पाउनेछन् । प्रतिस्पर्धीमध्येबाटै विधागत रूपमा उत्कृष्ट हुने कलाकारलाई प्रथम, द्वितीय, तृतीय र सान्त्वना पुरस्कार प्रदान गरिने भएको छ ।