दुई मोटरसाइकल आपसमा ठोक्किँदा एक जनाको मृत्यु, सशस्त्र प्रहरी जवानसहित दुई गम्भीर घाइते

दोलखाको भीमेश्वर नगरपालिका-५ पिपलबोटस्थित लामोसाँगु-जिरी सडकखण्डमा दुईवटा मोटरसाइकल आपसमा ठोक्किँदा एक जनाको मृत्यु भएको छ भने दुई जना गम्भीर घाइते भएका छन्।

प्रहरीका अनुसार चरिकोटबाट जिरीतर्फ जाँदै गरेको बा.प्र. ०२-०६२ प ८४६६ नम्बरको मोटरसाइकल र विपरीत दिशाबाट आउँदै गरेको बा ८० प ७९७३ नम्बरको मोटरसाइकल एक आपसमा ठोक्किएका हुन्। दुर्घटनालगत्तै घाइतेहरूलाई उपचारका लागि चरिकोटस्थित पशुपति चौलागाईं स्मृति अस्पताल पठाइएको थियो।