कोही अनागरिक नहोस्

संविधानले नै दिएको हक पनि उनीहरूलाई नदिइनु अनुचितमात्रै होइन, ठूलो अन्याय हो। सम्बन्धित निकायले बुझ्नुपर्छ कि कुनै पनि नेपालीलाई अनागरिक बनाइनु हुँदैन।

नेपालको संविधानको धारा १० मा भनिएको छ—कुनै पनि नेपाली नागरिकलाई नागरिकता प्राप्त गर्ने हकबाट वञ्चित गरिने छैन। दैलेखको ठाटीकाँध गाउँपालिका–३ भुवाखाडा बस्ने चन्द्रबहादुर शेर्पा नागरिकताबाट वञ्चित छन्। उनको नागरिकता नभएकैले सन्तानको समेत नागरिकता छैन।