सरकारले तलबमा विभेद गरेपछि ८० हजार विद्यालय कर्मचारी र ईसीडी शिक्षक आन्दोलित

काठमाडौँ- सरकारले आर्थिक वर्ष २०८३/८४ को बजेटमार्फत राष्ट्रसेवक कर्मचारीहरूको तलब वृद्धि गरे पनि सामुदायिक विद्यालयका विद्यालय कर्मचारी र बालविकास सहजकर्ता (ईसीडी शिक्षक) को तलब नबढाएको भन्दै उनीहरूले आन्दोलनको घोषणा गरेका छन्। यतिखेर उनीहरूले डिजिट आन्दोलन गरिरहेका छन्। सो क्रममा सांसद, अर्थमन्त्री, शिक्षामन्त्री लगायतलाई इमेल, एसएमएस पठाइरहेका छन्।

नेपाल विद्यालय कर्मचारी परिषद्का अध्यक्ष गंगाराम तिवारी र महासचिव शान्तिनाथ योगीले बजेट पारित हुनुअघि नै तलब वृद्धि तथा सेवासुविधासम्बन्धी माग सम्बोधन गर्न सरकारसँग आग्रह गरेका छन्।