च्याम्पियन्स लिग : हालान्डको ५ गोल मद्दतमा म्यानचेस्टर सिटी क्वाटरफाइनल प्रवेश

१ चैत, काठमाडौं । एर्लिङ हालान्डको कीर्तिमानी पाँच गोल मद्दतमा इंग्लिस क्लब म्यानचेस्टर सिटी यूईएफए च्याम्पियन्स लिगको क्वाटरफाइनलमा प्रवेश गरेको छ ।

प्रि–क्वाटरफाइनलको दोस्रो लेगमा जर्मन क्लब आरबी लाइपजिगलाई म्यानचेस्टर सिटीले ७–० ले हरायो । समग्रमा ८–१ नतिजासहित सिटी अन्तिम आठमा पुगेको हो । यसअघि पहिलो लेगको खेल १–१ गोलको बराबरीमा सकिएको थियो ।