प्रधानमन्त्रीसहित छ मन्त्री निर्वाचित, पाँच पराजित

काठमाण्डौ – प्रतिनिधिसभा सदस्य निर्वाचनको प्रत्यक्षतर्फ प्रधानमन्त्रीसहित वर्तमान सरकारका छ मन्त्री निर्वाचित हुनुभएको छ । निर्वाचन आयोगबाट प्राप्त विवरणअनुसार हालसम्म पाँच मन्त्री पराजित हुनुभएको छ भने तीन मन्त्री उम्मेदवार बनेको स्थानमा मतगणना जारी छ ।

प्रधानमन्त्री शेरबहादुर देउवा डडेलधुरा क्षेत्र नम्बर १ बाट १२ हजार ४ सय ३२ मतान्तरसहित विजयी हुनुभएको छ । उहाँले २५ हजार ५ सय ३४ मत प्राप्त गर्नुभएको छ । निकटतम् प्रतिद्वन्द्वी स्वन्तन्त्र उम्मेदवार सागर ढकालले १२ हजार ४२ मत प्राप्त गर्नुभयो ।