करेन्ट लागेर काभ्रेमा १ को मृत्यु 

काभ्रे — करेन्ट लागेर काभ्रेमा एक जना महिलाको मृत्यु भएको छ । मृत्यु हुनेमा बेथानचोक गाउँपालिका-४ स्थित राईडाँडाकी ६५ वर्षीया मैना कोइराला रहेको इलाका प्रहरी कार्यालय बनेपाले जनाएको छ ।

शनिबार दिउँसो सवा १ बजेतिर मकैबारीमा घाँस काट्न जाँदा बदेलको लागि थापेको पासोमा करेन्ट लागि कोइरालाको मृत्यु भएको इलाका प्रहरी कार्यालय बनेपाका प्रमुख प्रहरी नायब उपरीक्षक रेशम बोहोराले जानकारी दिए । उनका अनुसार, कोइरालाको घटनास्थलमै मृत्यु भएको हो ।