बेरुजु बेथिति

आर्थिक अनुशासन पालना नभएसम्म न भ्रष्टाचार नियन्त्रणमा बल पुग्छ, न समृद्धिको दिशातिर सरकार अघि बढ्छ।

मुलुकमा आर्थिक अनुशासन कस्तो छ भनेर हेर्ने एउटा ऐना महालेखा परीक्षकको प्रतिवेदन हो। ६० वर्षदेखि नै यो ऐनामा मुलुकको चित्र सङ्लो देखिएको छैन। वित्तीय अपारदर्शिता भएको र जवाफदेहिताविहीन शासनले धमिलो देखिनु स्वाभाविक हो। जसमा आर्थिक अनुशासन हुँदैन। जनताले तिरेको कर जथाभावी खर्च गर्ने प्रवृत्ति हुन्छ। त्यस्तो प्रवृत्ति महालेखा परीक्षकले हरेक वर्ष औंल्याउँदै आएको छ।