न्युजिल्याण्डसँग भारत २१ रनले पराजित

राँची । टी–२० सिरिजको पहिलो खेलमा भारत न्युजिल्याण्डसँग २१ रनले पराजित भएको छ । योसँगै भारतीय टोली ३ खेलको द्विपक्षीय शृङ्खलामा ०–१ ले पछि परेको छ । यो हारसँगै राँचीको मैदानमा भारतको अजेय रेकर्ड पनि तोडिएको छ । यसअघि टोलीले यहाँ कुनै पनि टी–२० खेल हारेको छैन ।

महेन्द्रसिंह धोनीको गृहनगर राँचीमा टस जितेर पहिले ब्याटिङ गरेको न्यूजिल्याण्डले १७६ रन बनाएको थियो । जवाफी ब्याटिडङमा उत्रेको भारत २० ओभरमा ९ विकेट गुमाएर १५५ रनमै सिमित भयो ।