मधेशका होटल तथा पर्यटन व्यवसायी पर्यटकको स्वागतमा जुटे

३ असोज, महोत्तरी । पर्यटन दिवसको संघारमा मधेश प्रदेशका पर्यटन तथा होटल व्यवसायी संघहरु तयारीमा जुटेका छन । प्रदेशमा आन्तरिक र वाहय पर्यटक भित्र्याउन प्रदेशभरीका आन्तरिक एयरपोर्ट र सिमावर्ती क्षेत्रमा विशेष तयारी गरेको होटल तथा पर्यटन व्यवसायी संघ मधेश प्रदेशका अध्यक्ष हिरा गौतमले जानकारी दिए ।

प्रदेश संघमा आवद्ध झण्डै १६ सय होटलहरुले पाहुनाहरुको लागी ११ असोजमा २५ प्रतिशत छुटको व्यवस्था गरेका छन । पर्यटकहरुलाइ गन्तव्यमा पुर्‍याउन सवारी साधनको ब्यवस्थादेखी फूल, गुछाले स्वागत गर्ने निर्णय गरिएको अध्यक्ष गौतमको भनाइ छ । पर्यटकहरुलाइ आकर्षित गर्न ब्यवसायीहरुले झाकी र स्थानिय पहिचान झल्कने विभिन्न भेषभुषा पहिरिएर पर्दसन गराउनेपनी तयारी गरेका छन ।