८ वर्षपछि विश्वकपमा फर्किएका इक्वेडर कप्तान खतरनाक बन्दै

काठमाडौं– दक्षिण अमेरिकी राष्ट्र इक्वेडरका कप्तान इनेर भेलेन्सिया कतारमा जारी विश्वकपमा खतरनाक बन्दै गइरहेका छन्। ८ वर्षपछि पुनः विश्वकप खेल्न उत्रिएका भेलेन्सियाले यसपालि विश्वकपको २ खेलमा ३ गोल गरिसकेका छन्।

सन् २०१४ को विश्वकपमा समूह ‘इ’ मा रहेको इक्वेडरका लागि भेलेन्सियाले ३ गोल नै गरेका थिए। त्यतिबेला उनको टोली समूह चरणबाट माथि उक्लिन सकेको थिएन। तर, यसपालि नकआउट चरणमा उक्लिने सम्भावना बलियो छ।