मुख्य सामग्रीमा जानुहोस्

समाचार

अर्थ

सेयर बजार परिसूचक ५२ अंकले वृद्धि

karobardaily.com · Wed Aug 11 01:19:17 GMT 2021

अर्थमन्त्री जनार्दन शर्माले संघीय संसदमा देशको आर्थिक अवस्थाबारे जानकारी गराएकै दिन मंगलबार सेयर बजार सूचकले नयाँ कीर्तिमान कायम गरेको छ । मंगलबार नेपाल स्टक एक्सचेन्ज परिसूचक (नेप्से) ५१.६८ अंकले वृद्धि भई ३१६१.४४ अंकमा पुगेको छ । जुन हालसम्मकै उच्च अंक हो । यसअघि गत बुधबार नेप्सेले ३,१२३ अंकको उच्च कीर्तिमान बनाएको थियो ।

अर्थमन्त्री शर्माले सेयर बजारबारे सकारात्मक सार्वजनिक अभिव्यक्ति दिएर लगानीकर्तालाई विश्वासमा लिने प्रयास गरिरहेका छन् । सेयर बजारलाई प्रभावित पार्नेगरी कुनै काम नगर्ने भन्दै सार्वजनिक अभिव्यक्ति दिएका उनले राष्ट्र बैंकका गभर्नर महाप्रसाद अधिकारीलाई समेत सेयर बजारलाई प्रभाव पार्नेगरी मौद्रिक नीति नल्याउन निर्देशन दिएका छन् ।

स्रोतमा पूरा पढ्नुहोस् (karobardaily.com)