अफगानिस्तानमा महिला प्रदर्शन खुर्सानीको धुलो फ्याँक्दै तालिबान सेना

काबुल — अफगानिस्तानमा काम र शिक्षाको अधिकार माग्दै आइतबार प्रदर्शनमा उत्रिएका महिलाहरूको आन्दोलन दबाउने प्रयास गर्दै तालिबान सेनाले खुर्सानीको धुलो (पिरो पदार्थ) फ्याँकेको छ ।

गत अगस्टमा तालिबानले सत्ता कब्जा गरेपछि महिलाहरूले स्वतन्त्र रुपमा काम गर्न पाएका छैनन् । साथै शिक्षाको हकबाट पनि उनीहरूलाई वञ्चित गरिएको छ । आइतबार भने २० भन्दा बढी महिलाहरूले काबुल विश्वविद्यालय अगाडि समानता र न्यायको माग गर्दै नाराबाजी गरेका थिए ।