वर्तमान सरकार कमाउ धन्दामा लागेकाले जनताको नजरमा गिर्‍यो : ओली

प्रधानमन्त्री प्रचण्डलाई लक्षित गर्दै ओलीले आफन्तका लागि बाहेक जनता, लडाकु, घाइते, शहीद, शहिदका परिवारका लागि केही गर्न नसकेको बताए।

नुवाकोट : नेकपा एमालेका अध्यक्ष तथा पुर्वप्रधानमन्त्री केपी शर्मा ओलीले देशमा अब बलियो राष्ट्रिय शक्तिको सरकार अपरिहार्य रहेको बताएका छन्। नेकपा एमालेले सञ्चालन गरेको संकल्प यात्राअन्तर्गत नुवाकोटको वट्टारबजारमा आयोजित सभालाई शनिबार राति सम्बोधन गर्दै ओलीले वर्तमान सरकार कमाउ धन्दामै लागेका कारण जनताको नजरमा गिरिसकेको ठहर गरेका हुन्।