कोशी प्रदेश : राप्रपा फकाउन थापा र आङ्बोको प्रतिस्पर्धा, कसले मार्ला बाजी?

विराटनगर । कोशी प्रदेशमा एमाले नेतृत्वको सरकार ढालेर केन्द्रीय सत्ता गठबन्धनको नेतृत्वमा सरकार बनाउन लागेका दलहरु आफैंमा विभाजित देखिएका छन् ।

केन्द्रीय सत्ता गठबन्धनका शीर्ष नेताहरुले कांग्रेस नेतृत्वमा सरकार गठन गर्न औपचारिक सहमति गरेको सार्वजनिक भइसकेको छ । तर, कोशी प्रदेशको प्रदेशसभामा सो गठबन्धनको सिट संख्याले गर्दा उनीहरुलाई राप्रपाको समेत साथ लिनुपर्ने बाध्यता छ ।