न्युन गुणस्तर भेटिएपछि डाबरको ‘हनी’ बजारबाट फिर्ता गर्न खाद्य प्रविधि तथा गुण नियन्त्रण विभागको आदेश

काठमाडौं- खाद्य प्रविधि तथा गुण नियन्त्रण विभागले डाबर नेपाल प्रा. लि. द्वारा उत्पादित महको एक ब्याच बजारबाट तत्काल फिर्ता गर्न निर्देशन दिएको छ। प्रयोगशाला परीक्षणमा उक्त उत्पादन न्यूनस्तर भेटिएपछि विभागले उपभोक्ता सुरक्षालाई ध्यानमा राख्दै यस्तो निर्णय गरेको हो।

विभागका अनुसार बजार अनुगमन तथा निरीक्षणका क्रममा संकलन गरिएको नमुनाको परीक्षण गर्दा ५०० ग्रामको “Honey” (Batch No. NB004 DABUR, उत्पादन मिति 2025/12, उपभोग्य अवधि 18 महिना) मापदण्डअनुसार गुणस्तर पूरा नगरेको पाइएको हो।