५ सय ४९ रन बनेको खेलमा हैदराबादसँग बैंगलोर २५ रनले पराजित

इन्डियन प्रिमियर लिग इतिहासकै सर्वाधिक हाइस्कोरिङ खेलमा हैदराबादले रोयल च्यालेन्जर्स बैंगलोरलाई पराजित गरेको छ। बैंगलोरको चिन्नास्वामि मैदानमा भएको रोमाञ्चक खेलमा कीर्तिमानी स्कोर बनाएको सनराइजर्स हैदराबादले छैटौं खेलमा चौंथो जित निकालेको हो।

दुई टिमको गरी कुल ५ सय ४९ रन बनेको खेलमा हैदराबादले २५ रनको जित हासिल गर्न सफल भयो। टी-२० इतिहासमा यो एकै खेलमा बनेको सर्वाधिक रनको कीर्तिमान हो। यसअघि यहि आइपिएलमा हैदराबाद र मुम्मबई बिच गत २७ मार्चमा भएको खेलमा कुल ५ सय २३ रन बनेको थियो।