आइतबारदेखि दादुरा-रुबेला खोप अभियानः लक्ष्य पुरा गर्ने चुनौती

काठमाडौं – सन् २०२६ सम्म दादुरा-रुबेलारोग निवारण गर्ने नयाँ लक्ष्यका साथ सरकारले आइतबारदेखि दादुरा-रुबेलाविरुद्ध खोप अभियान सञ्चालन गर्दैछ। राष्ट्रिय जनगणना २०७८ को आधारमा निर्धारण गरिएको लक्षित जनसंख्या ९ महिनादेखि ५ वर्षमुनिका २१ लाख ३० हजार ६ सय ८३ र ५ वर्षदेखि १५ वर्षमुनिका ३६ लाख १२ हजार तीन सय १० जना गरेर ५७ लाख बढी बालबालिकालाई खोप अभियानमा सहभागी गराइने खोप अभियान कार्यक्रम सञ्चालन निर्देशिकामा उल्लेख छ।