सुप्रिम सहकारीको ८६ करोड १८ लाख रुपैयाँ हिनामिना भएको निष्कर्ष

रुपन्देहीको बुटवलस्थित सुप्रिम सहकारीको ८६ करोड १८ लाख रुपैयाँ भन्दा बढी हिनामिना भएको निष्कर्ष निकालिएको छ । जिल्ला सरकारी वकिल कार्यालयले सोही निष्कर्षका साथ सोमबार जिल्ला अदालत रुपन्देहीमा जीबी राईसहित २८ जनाविरुद्ध मुद्दा दायर गरेको छ ।

‘प्रतिवादीहरुले आपसी मिलेमतो योजनामा हाल उजुरी परेको जम्मा १८२८ जना उजुरी कर्ताहरुले सुप्रिम वचत तथा ऋण सहकारी संस्थाको प्रधान कार्यालय बुटवल र सो को सेवा केन्द्र भैरहवामा जम्मा गरेको बचत रकम समेत जम्मा रु.८६, १८, २३, ७५४ (छयासी करोड अठार लाख तेईस हजार सात सय चौवन्न रुपैयाँ) रकम हिनामिना गरेको देखियो’, अभियोगपत्रमा निष्कर्ष निकालिएको छ ।