छैटौँ अन्नपूर्ण म्याराथन जेठ २० गतेदेखि

पोखरा । अन्नपूर्ण आधार शिविर (एविसी)बाट सुरु हुने अन्नपूर्ण म्याराथनको छैटौँ संस्करण जेठ २० गते हुने भएको छ । सबै मौसमका लागि पर्यटन भन्ने मूल नारासहित अन्नपूर्ण सेन्चुरी पर्यटन समितिले हरेक वर्ष म्याराथन आयोजना गर्दै आएको छ । आयोजकले बुधबार पत्रकार सम्मेलन गरी प्रतियोगिताको तयारीबारे जानकारी गराएको हो ।

माउरिस हार्जोगले अन्नपूर्ण प्रथम आरोहण गरेको दिनको सम्झनामा हरेक वर्ष जुन ३ तारिखलाई विशेष महत्वका साथ विभिन्न कार्यक्रम आयोजना हुँदै आएको छ । साहसिक खेलकुदसँगै पर्वतीय पर्यटन प्रवर्द्धन गर्ने उद्देश्यले म्याराथन आयोजना गर्दै आएको अध्यक्ष तथा म्याराथन संयोजक ललित गुरुङले बताए ।